აშშ-ს პრეზიდენტს, დონალდ ტრამპს მიაჩნია, რომ კორონავირუსმა ქვეყანას იმაზე მეტი ზიანი მიაყენა, ვიდრე მეორე მსოფლიო ომის დროს პერლ-ჰარბორზე თავდასხმამ და 11 სექტემბრის ტერაქტმა.

ოვალურ კაბინეტში სიტყვით გამოსვლისას დონალდ ტრამპმა განაცხადა:

"ჩვენ ყველაზე დიდი თავდასხმა გადავიტანეთ, რომელიც ოდესმე ჩვენს ქვეყანაზე ყოფილა. ეს ყველაზე საშინელი თავდასხმაა, რომელიც გვქონია. ეს პერლ-ჰარბორზე და მსოფლიო სავაჭრო ცენტრზე უარესია. ამგვარი თავდასხმა არასდროს ყოფილა".

მისივე თქმით, ეს არ უნდა მომხდარიყო და ის პირდაპირ ჩინეთში, წყაროსთან უნდა შეჩერებულიყო, მაგრამ ასე არ მოხდა:

"უჩინარ მტერს მე ომად განვიხილავ. არ მომწონს როგორ მოაღწია მან აქამდე, რადგან მისი შეჩერება შეიძლებოდა, მაგრამ არა, უჩინარ მტერს მე ომად მივიჩნევ".

კორონავირუსის პანდემიის გავრცელების გამო დონალდ ტრამპს ჩინეთი არაერთხელ დაუდანაშაულებია. მან ისიც განაცხადა, რომ აქვს მყარი მტკიცებულებები იმის შესახებ, რომ ვირუსი უხანის ლაბორატორიაში შეიქმნა. ამავე დროს, აღნიშნულ ინფორმაცია აშშ-ს დაზვერვის სამსახური უარყოფს.

ჩინეთში კი ამბობენ, რომ აშშ თავისი ბრალდებებით პანდემიაზე პასუხისმგებლობას გაექცეს.