პარლამენტის გარემოსა და ბუნებრივი რესურსების დაცვის კომიტეტის თავმჯდომარის მოადგილე, ზაზა ხუციშვილი ავტომობილების ტექნიკური დათვალიერების შემოღების მომხრეა და მიიჩნევს, რომ მისი გაუქმება შეცდომა იყო.

ხუციშვილის თქმით, ინიციატივას საკანონმდებლო დონეზე მაქსიმალური მხარდაჭერა ექნება:

"ორი მიმართულებით უნდა გავაუმჯობესოთ მდგომარეობა: მოვსპოთ დაბინძურების წყაროები, ვგულისხმობ ჰაერს, ასევე შევქმნათ ახალი წყაროები ჟანგბადის. ძალიან დიდი შეცდომა იყო დაშვებული, როდესაც ტექნიკური დათვალიერება გაუქმდა, რადგან, ვთვლი, რომ, როდესაც სისტემაში არის კორუფცია უნდა ებრძოლო ამ კორუფციას, დახვეწო სამსახური და არა გააუქმო. დღეს ჩვენ მძღოლები იქნებიან შედარებით მძიმე მდგომარეობაში, მაგრამ ჩვენ უნდა შევთანხმდეთ იმაზე, რომ ჩვენი შვილების მომავალს იმის გამო, რომ ვინმეს ტექნიკურად გაუმართავი მანქანა ჰყავს ჩვენ ვერ შევწირავთ."