დაავადებათა კონტროლის ცენტრის ხელმძღვანელის, ამირან გამყრელიძის თქმით, ხვალიდან, 23 აპრილიდან კორონავირუსზე ტესტებს კიდევ ხუთი ლაბორატორია ჩაატარებს. როგორც გამყრელიძემ განმარტა, სამი ლაბორატორია თბილისში, ერთი ქუთაისში და ერთი ბათუმში დაემატება.

"ეს ნიშნავს, რომ უფრო გეოგრაფიულად ხელმისაწვდომი იქნება PCR ტესტირებისთვის მოსახლეობა", — განაცხადა გამყრელიძემ.

მისივე თქმით, მხოლოდ დღეს 695 ტესტი გაკეთდა.

ბოლო მონაცემებით, საქართველოში კორონავირუსით ინფიცირების მაჩვენებელი 416-მდე გაიზარდა. ამასთან ვირუსისგან უკვე გამოჯანმრთელდა 107 ადამიანი. გარდაცვლილია 5 პაციენტი.

ამ ეტაპისთვის კარანტინის რეჟიმში 5 160 ადამიანი რჩება, ხოლო სტაციონარში მეთვალყურეობის ქვეშ — 579.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: