ქართული ოცნების დეპუტატი, მიხეილ ყაველაშვილი ყოფილი პრეზიდენტის, მიხეილ სააკაშვილის განცხადებას ეხმაურება და მოუწოდებს, "ამ დღეებში" მაინც შეწყვიტოს მიუნჰაუზენური გამოვლინებები. ამ თემაზე მან იმედის ეთერში ისაუბრა.

"ერთადერთი არსება და მისი პარტია არის, რომელიც მხოლოდ ნეგატიურ კონტექსტში ხედავენ ჩვენი მთავრობისა და ჩვენი ქვეყნის მოღვაწეობას კორონავირუსთან გამკლავებაში. ძალიან ბევრი გამოწვევა გვაქვს და იქნება ამ დღეებში მაინც მორჩეს მიუნჰაუზენურ გამოვლინებებს", — თქვა ყაველაშვილმა.

მიხეილ სააკაშვილმა მთავრობას უცხოური მხარდაჭერის მისაღებად ხელისუფლების დროებითი და ოფიციალური წარმომადგენლის სტატუსი სთხოვა. მან თქვა, რომ თუ 5,5 მილიარდს არ ჩამოიტანს ქვეყანაში, იმდენ დახმარებას მაინც იშოვის, რომ საქართველოს ეკონომიკა გადარჩეს.