74 წლის პროფესორმა, ყველასათვის კარგად ნაცნობმა ფიზიკის თეორიტიკოსმა და კოსმოლოგმა, სტივენ ჰოკინგმა, ოქსფორდის უნივერსიტეტში ლექციაზე სამყაროს მომავალზე ისაუბრა:

"დაიმახსოვრეთ, იყურეთ მაღლა ვარსკვლავებისაკენ და არა პირიქით. ეცადეთ კარგად შეიგრძნოთ ის, რასაც ხედავთ. აღფრთოვანდით სამყაროს არსებობით. მიუხედავად უამრავი სირთულისა, თუ თქვენ იქნებით ცნობისმოყვარე, ყოველთვის შეძლებთ აკეთოთ ის, რაც თავად გსურთ. ეს ნიშნავს, რომ თქვენ არასდროს არ უნდა დანებდეთ"

აღსანიშნავია ჰოკინგის აზრი კაცობრიობის მომავალზეც: მიუხედავად იმისა, რომ ჩვენ ბოლო რამდენიმე ათწლეულია განვითარების მაღალ საფეხურზე ვდგავართ, მხოლოდ ამის გამო თავის დაიმედება არ შეიძლება. თუ უახლოესი 1000 წლის განმავლობაში კაცობრიობა ვერ მოახერხებს, სამყაროში ალტერნატიული, დედამიწის მსგავსი სასიცოცხლოდ ვარგისი პლანეტის მოძიებას, ის აუცილებლად დაიღუპება და გაქრება.