გერმანიაში კორონავირუსის გავრცელების მაჩვენებელი R01-ზე დაბლა ჩამოვიდა, რაც იმას ნიშნავს, რომ კორონავირუსით ინფიცირებული ადამიანი დაავადებას საშუალოდ ერთზე ნაკლებ ადამიანზე ავრცელებს. ამის შესახებ ინფორმაციას CNN გერმანიის დაავადებათა კონტროლის ცენტრის, რობერტ კოხის ინსტიტუტის მონაცემებზე დაყრდნობით ავრცელებს.

როგორც გერმანიის კანცლერი, ანგელა მერკელმა განაცხადა, ამ მაჩვენებლის შენარჩუნება მთავარი გასაღებია იმისთვის, რომ ქვეყანაში დაწესებული შეზღუდვების მოხსნა დაიწყოს.

მისი თქმით, თუ ეს მაჩვენებელი თუნდაც 1,1-ც კი გახდება, გერმანიის ჯანდაცვის სისტემა სერიოზული გამოწვევის წინაშე დადგება.

ბოლო მონაცემებით, გერმანიაში კორონავირუსით ინფიცირების 138 ათასზე მეტი შემთხვევაა დაფიქსირებული, მათ შორის გარდაცვლილია 4 ათასზე მეტი ადამიანი, გამოჯანმრთელებულია — 81 ათასზე მეტი.