დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლის ცენტრის დირექტორის მოადგილის, პაატა იმნაძის თქმით, ეროვნული ბანკის თანამშრომლები სამუშაო პირობებში არ დაინფიცირებულან და ისინი კოლექტიურ თვითზიოლაციაში იყვნენ.

როგორც იმნაძე განმარტავს, იმ დაწესებულებებს, რომელთა მუშაობაც აუცილებელია, რეკომენდაცია მისცეს, თანამშრომლები დაეყოთ და ორ-ორი კვირა ემუშავათ. მისივე თქმით, სანამ ერთი ნაწილი მუშაობს, მეორე ნაწილი კარანტინთან მიახლოებულ პირობებში უნდა იყოს. პაატა იმნაძის განცხადებით, ეროვნული ბანკიც ასე მოიქცა და თანამშრომლების ნაწილი კოლექტიურ თვითიზოლაციაში მოთავსდა.

"სამწუხაროდ, ამ კოლექტივში ვირუსი შევიდა და ამან გამოიწვია, რომ დიდი რაოდენობა იყო [ინფიცირებულების]. ეს არ მომხდარა სამუშაო პირობებში, ეს მოხდა კოლექტიურ თვითიზოლაციის პირობებში", — აღნიშნა იმნაძემ.

ამ დროისთვის კორონავირუსი ეროვნული ბანკის 16 თანამშრომლეს აქვს დადასტურებული. ბანკის ინფორმაციით, ამჟამად თანამშრომელთა 90% დისტანციურად მუშაობს, ყველა მათ შენობაში რეგულარულად ტარდება სადეზინფექციო და დასუფთავების სამუშაოები და ბანკის ოფისები ოპერირების საგანგებო რეჟიმზეა გადასული.

ბოლო მონაცემებით, საქართველოში კორონავირუსით ინფიცირების 230 შემთხვევაა დადასტურებული. აქედან გარდაცვლილია 3 ადამიანი, გამოჯანმრთელებულია 54.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: