სხვა ბევრი ცნობილი გადაცემის წამყვანის მგავსად ელენ დეჯენერესიც კორონავირუსის პანდემიის გამო ბოლო კვირებში თავის მაყურებლებთან ურთიერთობას სახლიდან აგრძელებს. თუმცა გასულ ორშაბათს თვითიზოლაციაზე მის ხუმრობს არაერთგვაროვანი შეფასებები მოჰყვა:

"კარანტინში ყოფნისას ერთი რამ გავიგე: ეს ციხეში ყოფნას ჰგავს. ასე კი იმიტომ ვგრძნობ თავს, რომ 10 დღის განმავლობაში ერთი იგივე ტანსაცმელი მაცვია და ჩემ გარშემო ყველა გეია", — იხუმრა ტელეწამყვანმა ერთ-ერთ ჩანაწერში.

ვიდეო, სადაც ამას დეჯენერესი ამბობს, YouTube-დან მალე წაიშალა, მაყურებლების ნაწილმა კი ეს განცხადება სრულიად "შეუსაბამო" და "რეალობას აცდენილ" შეხედულებად შეაფასა. მაყურებლებისთვის ელენ დეჯენერესის ეს კომენტარი არადელიკატური იყო, რადგან აშშ-ს ციხეებში პატიმრებს შორის კორონავირუსის გავრცელების ფაქტები იზრდება.

"თავს ციხეში ვგრძნობ", გვეუბნება ელენი ამ სახლიდან", — წერს ტვიტერზე ერთ-ერთი მომხმარებელი.

"იმას თუ არ ჩავთვლით, რომ ციხეში ადამიანებს თვითიზოლაციის ფუფუნება არ აქვთ, არც საკმარისი წყალი და ტუალეტის ქაღალდი აქვთ და ამ ყველაფრის გამო ციხეებში Covid-19-ით ინფიცირების მაღალი მაჩვენებელია, შენი კარანტინის გამოცდილება, ელენ, ნამდვილად ჰგავს პატიმრებისას", — წერს კიდევ ერთი მომხმარებელი ტვიტერზე.

ამ ფაქტთან დაკავშირებით ელენ დეჯენერესს ჯერჯერობით საჯარო კომენტარი არ გაუკეთებია.