სახლში გამოკეტილმა ლონდონელმა წყვილმა გადაწყვიტა, რომ კარანტინში მყოფი თავის ორი ზაზუნას გახალისება და ხელოვნებით მდიდარი სივრცე სჭირდებოდა. ამიტომ, მათი განტვირთვისთვის მინიატურული მუზეუმი ააშენეს.

მღრღნელი ძმები 9 თვის არიან. მათი სახელებია პანდორო და ტირამისუ. ისინი თავიანთი სახეობის წარმომადგენლებისგან იმით განსხვავდებიან, რომ კორონავირუსის პანდემიის დროს, თვითიზოლაციაში, სულიერ საზრდოს არ იკლებენ და მუზეუმებში დადიან. როგორც უკვე გითხარით, ამაზე პატრონებმა, ფილიპომ და მარიანამ იზრუნეს, რომლებმაც ციცქნა ცხოველებს მუზეუმი თითქმის სახლში მიართვეს.

როგორც ხედავთ, მღრღნელების მუზეუმში წარმოდგენილია კლიმტის, და ვინჩის, მუნკისა და ვერმეერის უკვდავი ნამუშევრები (ან მათი იმპროვიზაციები).

ფოტო: Filippo and Marianna

ფილიპოც და მარიანაც ხელოვნებაზე შეყვარებული ადამიანები არიან. ერთი მათგანი ადგილობრივ მუზეუმში მუშაობს, მეორე კი მხატვარი და მწერალია.

"გალერეაში შეშვების შემდეგ, ისინი დიდი ხნის განმავლობაში აკვირდებოდნენ სივრცეს და ყველა დეტალს ეცნობოდნენ. მოგვიანებით, მოწყენილობამ თავისი როლი ითამაშა და საბოლოოდ, მუზეუმის ასისტენტის ცარიელი სკამის განადგურება დაიწყეს", — ყვებიან ისინი.

As promised, this is the full video of our gerbils visiting the museum. No gerbils or gallery assistants were harmed in the making of this. from r/aww

მათი შექმნილი მინიატურული მუზეუმის ფოტოები ტვიტერზე გამოქვეყნებისთანავე გავირუსდა, თუმცა ვიზიტორმა მღრღნელებმა კომენტარის გაკეთებაზე უარი განაცხადეს.

ფოტო: Filippo and Marianna

გამარფრთხილებელი ნიშანი: "გთხოვთ, ნუ დაღეჭავთ".

ფოტო: Filippo and Marianna

თუმცა, ეს ნიშანი უშედეგო აღმოჩნდა და ზაზუნები ნამდვილი ბარბაროსებივით მოიქცნენ.

ფოტო: Filippo and Marianna

თქვენი აზრით, ვინ უფრო გაერთო, მუზეუმში მორბენალი ზაზუნები თუ მათი პატრონები?