შინაგან საქმეთა სამინისტროს ცნობით, წარსულში ნასამართლევი პირი განზრახ მკვლელობის ბრალდებით დააკავეს.

დღეს, 11 ნოემბერს, რუსთავში მდინარე მტკვარში მეთევზემ ცხედარი შენიშნა. უწყების განმარტებით, გამოძიების მიმდინარეობისას, პოლიციამ დაადგინა, რომ ადგილი ჰქონდა მკვლელობის ფაქტს, კერძოდ, 1987 წელს დაბადებულმა პირმა რუსთავში, ურთიერთშელაპარაკების ნიადაგზე, 1994 წელს დაბადებულს თავის არეში ბლაგვი საგნით დაზიანებები მიაყენა, რის შემდეგაც, დანაშაულის დაფარვის მიზნით, იგი მდინარე მტკვარში ჩააგდო და მიიმალა.

სამართალდამცველებმა განზრახ მკვლელობაში ბრალდებული პირი მომხდარიდან მეორე დღეს, რუსთავში დააკავეს.

გამოძიება განზრახ მკვლელობის მუხლით მიმდინარეობს.