დაავადებათა კონტროლის ცენტრი დირექტორმა, ამირან გამყრელიძემ იმედის ეთერში სოლიდარობისა და სამოქალაქო პასუხისმგებლობის მნიშვნელობაზე ისაუბრა. მისივე თქმით, აუცილებელია პირადი და საზოგადოებრივი ჰიგიენის დაცვას, მათ შორის უნდა მოვერიდოთ თვითიზოლაციაში მყოფი ადამიანების სტუმრობას.

"ჩემი ოჯახის წევრები, რძალი და შვილიშვილები არიან თვითიზოლაციაში. ყოველდღე მე მათთან მივდივარ, კარებთან ვტოვებ სადილს, საკვებს, პირველადი მოხმარების საშუალებებს. როცა მე გავდივარ იქიდან, ისინი აღებენ კარებს, შეაქვთ სახლში და, როგორც წესი და რიგია, გამომაქვს ნარჩენები", — აღნიშნა გამყრელიძემ.

რამდენიმე დღის წინ ამირან გამყრელიძის შვილს, ნიკოლოზ გამყრელიძეს კორონავირუსი დაუდგინდა.

პანდემია და რეკომენდაციები

მას შემდეგ, რაც ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად გამოაცხადა, საქართველოს მთავრობა მუშაობის საგანგებო რეჟიმზე გადავიდა და ახალი შეზღუდვები და რეკომენდაციები გაავრცელა.

საქართველოში კორონავირუსით ინფიცირების 24 შემთხვევაა დადასტურებული: პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს, 7 მარტს კორონავირუსით ინფიცირების კიდევ 4 შემთხვევა დადასტურდა, 9 მარტს კორონავირუსი 2 პაციენტს დაუდასტურდა, 10 მარტს კი კორონავირუსის კიდევ 8 შემთხვევა დადასტურდა, კიდევ 1 შემთხვევა კი — 11 მარტს.

ასევე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: