უმრავლესობის ლიდერი, მამუკა მდინარაძე ამბობს, რომ ქართულ ოცნებას 2020 წლის არჩევნებზე 40%-იანი მხარდაჭერის მოპოვების პრობლემა არ აქვს. მისივე თქმით, პარტია აპირებს, რომ ყველა სამაჟორიტარო ოლქში გაიმარჯვოს.

"ჩვენ ამის პრობლემა არ გვაქვს. ჩვენ ვფიქრობთ, რომ 50-დან 60%-მდე შედეგი გვექნება და სამაჟორიტარო 30-ვე ოლქში დამაჯერებლად გავიმარჯვებთ", — განაცხადა მამუკა მდინარაძემ.

8 მარტს ოპოზიცია და მმართველი გუნდი საპარლამენტო არჩევნების 120/30-ზე სისტემით ჩატარებაზე შეთანხმდნენ. რაც იმას გულისხმობს, რომ 2020 წლის არჩევნებში პროპორციული სიით 120 დეპუტატი აირჩევა, მაჟორიტარულით კი — 30.