დაავადებათა კონტროლის ცენტრის ცხელი ხაზი 116 001

ჯანდაცვის მინისტრის მოადგილის, თამარ გაბუნიას თქმით, იტალიაში მგზავრების მოძიება გრძელდება და გამორიცხული არ არის, საჭირო გახდეს მესამე სპეციალური რეისის შესრულებაც. ამის შესახებ მან დღეს, 10 მარტს ჟურნალისტებთან საუბრისას თქვა. თამარ გაბუნიას განმარტებით, შესაბამისი უწყებები აგრძელებენ ამაზე მუშაობას.

დღეს, 10 მარტს საქართველოს მოქალაქეები რომი-თბილისის სპეციალური რეისით სამშობლოში დააბრუნეს. ჯანდაცვის სამინისტროს მონაცემებით, ორივე რეისზე ჯამში საქართველოს 184 მოქალაქეა.

მგზავრებს აეროპორტს სპეციალური გასასვლელით დაატოვებინებენ და სპეციალური ტრანსპორტით საკარანტინო სივრცეებში გადანაწილდებიან.

"მათი მდგომარეობა დამაკმაყოფილებელია, სიმპტომები არცერთს არ აღენიშნება, თუმცა ჩამოსვლისას ისევ საჭიროა სკრინინგი. ყველა მათგანი გაივლის 2-კვირიან კარანტინს. თუ რომელიმე მგზავრს აღმოაჩნდება სიმპტომი, გადაიყვანენ ინფექციური პროფილის საავადმყოფოში", — განაცხადა ჯანდაცვის მინისტრის მოადგილემ, თამარ გაბუნიამ.

მთავრობის გადაწყვეტილებით, კორონავირუსის გავრცელების პრევენციის მიზნით, 6 მარტს იტალიასთან პირდაპირი ფრენები დროებით შეჩერდა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: