ევროპარლამენტარები ოპოზიციასა და ხელისუფლებას შორის საარჩევნო საკითხზე შექმნილ მემორანდუმის მიღებას ეხმაურებიან. ისინი მოუწოდებენ ქართველ პარტნიორებს, სრულად შეასრულონ შეთანხმება და მიიღონ საკონსტიტუციო ცვლილებები:

"შემდეგი არჩევნები უნდა ჩატარდეს ეუთო/ოდირის რეკომენდაციების შესაბამისად, რადგან ეს ნაბიჯი შეამცირებს პოლიტიკურ პოლარიზაციას. შეგახსენებთ, რომ პლურალისტული და დაბალანსებული მედია უმნიშვნელოვანესია წარმატებული საარჩევნო პროცესისთვის".

ევროდეპუტატები წერილში ულოცავენ დიალოგის მონაწილე ყველა მხარეს, "პირველ რიგში ქვეყნისა და მოქალაქეების ინტერესების დაყენებას". ისინი, ასევე, მადლიერებას გამოხატავენ იმ დიპლომატების მიმართ, რომლებიც ამავე დიალოგის მონაწილეები და მოდერატორები იყვნენ, მათ შორის, ევროკავშირის ელჩს საქართველოში, კარლ ჰარცელს.

"მოხარული ვართ რომ ავღნიშნოთ, რომ მხარეებმა აიღეს ვალდებულება, ჩაატარონ თავისუფალი და სამართლიანი არჩევნები. ჩვენ კიდევ ერთხელ აღვნიშნავთ, რამდენად მნიშვნელოვანია სასამართლო სისტემის ნდობის აღდგენა და მოგიწოდებთ, თავი აარიდოთ ძირითად თანამდებობაზე ისეთ დანიშვნებს, რომლებიც ამ პროცესს ხელს არ შეუწყობს", — ნათქვამია წერილში.

წერილის ხელმომწერები არიან:

  • დევიდ მაკალისტერი (EPP, DE) — ევროპარლამენტის საგარეო ურთიერთობათა კომიტეტის თავმჯდომარე;
  • მარინა კალიუარდი (S&D, ET) — ევროპარლამენტში სამხრეთ კავკასიასთან ურთიერთობის დელეგაციის თავმჯდომარე;
  • სვენ მიქსერი (S&D, ET) — ევროპარლამენტის მუდმივი მომხსენებელი საქართველოზე;
  • ვიოლა ფონ კრამონ ტაუბადელი (The Greens/EFA, DE) — ევროპარლამენტის საქართველოში დემოკრატიის მხარდამჭერი ჯგუფის წამყვანი წევრი.