დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის დირექტორის მოადგილე პაატა იმნაძე აცხადებს, რომ უკვე დაუკავშირდნენ ყველა იმ პირს, ვინც იტალიიდან საქართველოში კორონავირუსით ინფიცირებულ პირებთან ერთად იმგზავრა და ინფიცირების რისკი აქვს. მისი თქმით, ზუსტად იციან ვინ სად იჯდა, ამიტომ, იმ მგზავრებს, რომლებსაც დაავადებათა კონტროლის ცენტრიდან არ დაკავშირებიან, შეუძლიათ მშვიდად იყვნენ.

"ყველა მოძიებულია უკვე ახლო კონტაქტები ვინც იყო ამ რეისზე. ყველანი დაკვირვების ქვეშ არიან... თვითმფრინავში ახლო კონტაქტებად ითვლებიან, ვინც იყო ორი რიგით წინ და ორი რიგით უკან. ესენი უკვე დღეს დილიდან მოძებნილი არიან. ამას იმიტომ ვამბობ, რომ სხვა ვინც მგზავრობდა, შეუძლია წყნარად იყვნენ. თვითმფრინავში გადადების რისკი არის მინიმალური", — განაცხადა მან სოფო ზურაბიანის პოლიტიკის ფორმულაში.

დაავადებათა კონტროლის ცენტრის დირექტორი ამირან გამყრელიძე მოუწოდებს იმ პირებს, ვინც კორონავირუსით ინფიცირების მაღალი რისკის ქვეყნებში იყვნენ, აუცილებლად დარჩნენ თვითიზოლაციაში. მისი თქმით, არ აქვს მნიშვნელობა მგზავრებს სიმპტომები ექნებათ თუ არა.

"გავითავისოთ ეს დიდი სამოქალაქო პასუხისმგებლობა სულ ყველამ, ვინც ბრუნდებით იტალიიდან. გავიჭირვოთ და 14 დღე ვიყოთ თვითიზოლირებული", — განაცხადა მან.

ამ ეტაპზე საქართველოში კორონავირუსით ინფიცირების 9 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: