დაავადებათა კონტროლის ცენტრის ცხელი ხაზი 116 001

ჯანდაცვის სამინისტროს ცხელი ხაზი 15 05

დაავადებათა კონტროლის ცენტრის ხელმძღვანელის, ამირან გამყრელიძის განცხადებით, მიმდინარეობს მუშაობა იმ ხალხის დასადგენად, ვისთანაც დღეს დადასტურებულ კორონავირუსით ინფიცირებულ 5 პირს ჰქონდა კონტაქტი. მისი თქმით, ყველასთან დაიწყება ჩაღრმავებული ეპიდკვლევა და საჭიროების შემთხვევაში ჩატარდება ლაბორატორიული კვევა.

"რა თქმა უნდა, ყველა კონტაქს მიცემული აქვს რეკომენდაცია, რომ გადაყვანილი იქნებიან ან კარანტინში, ან თვითიზოლაციაში შესაბამისი მეთვალყურეობით", — განაცხადა მან.

გამყრელიძის განმარტებით, მას შემდეგ რაც 5 მარტს კორონავირუსით ინფიცირების მეოთხე შემთხვევა დადასტურდა, ეპიდემიოლოგები კონტაქტების დადგენაზე მუშაობდნენ და ზოგიერთი მათგანი შეაფასეს, როგორც შესაძლებელი შემთხვევა. მისი თქმით, ბიოლოგიური ნიმუშის აღების შემდეგ 5 აღმოჩნდა დადებითი. მისივე განცხადებით, ამ შემთხვევების კლინიკური მიმდინარეობა ამ ეტაპზე დამაკმაყოფილებელია.

ამ ეტაპზე საქართველოში კორონავირუსით ინფიცირების 9 შემთხვევაა დადასტურებული. პირველი 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე — 29 თებერვალს, მეოთხე — 5 მარტს დილით, დანარჩენი 5 კი ამავე დღეს საღამოს. ამასთანავე, 4 მარტს კორონავირუსი დაუდგინდა იტალიაში მცხოვრებ საქართველოს მოქალაქეს.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ:

ამავე თემაზე: