ნაციონალური მოძრაობის დეპუტატის, რომან გოცირიძის განცხადებით, სალომე ზურაბიშვილის ყოველწლიური მოხსენება გაუგებარ საკითხებს ეხებოდა და ქმნიდა შთაბეჭდილებას, რომ პრეზიდენტი უცხო პლანეტიდან არის ჩამოსული.

"არცერთი სერიოზული პრობლემა, რომელიც ქვეყანაშია: პოლიტიკური კრიზისი, არაფორმალური მმართველობა, მის მიერ გაეროს ტრიბუნიდან მოტყუებული ამომრჩეველი... არავითარი მწვავე საკითხები რუსეთთან დაკავშირებით", — განაცხადა მან.

გოცირიძის განამრტებით, რუსეთზე საუბრისას პრეზიდენტმა მხოლოდ ის ახსენა, რომ ქვეყანა ოკუპირებულია, რაც ყველამ იცის და სიახლე არ არის. მისი თქმით, უფრო მკაცრი შეფასებები იყო საჭირო.

გოცირიძე აცხადებს, რომ ამ გამოსვლით, ზურაბიშვილმა დაამტკიცა, რომ ის არა ქართველი ხალხის, არამედ ერთი ადამიანის პრეზიდენტია.

საქართველოს პრეზიდენტი სალომე ზურაბიშვილი დღეს, 4 მარტს პარლამენტის წინაშე ყოველწლიური მოხსენებით წარსდგა. ოპოზიცია, რომელიც ბოიკოტის რეჟიმშია პრეზიდენტის გამოსვლას არ ესწრებოდა. ზურაბიშვილს ბოიკოტი გამოუცხადა ფრაქცია დამოუკიდებელმა დეპუტატებმაც.

გაიგეთ მეტი პრეზიდენტის პარლამენტში გამოსვლაზე: