დაავადებათა კონტროლის ცენტრის ცხელი ხაზი 116 001

დაავადებათა კონტროლის ეროვნული ცენტრის ხელმძღვანელს, ამირან გამყრელიძის თქმით, ჯანდაცვის სამინისტრო მუშაობს, რომ კარანტინში მყოფ ადამიანებს სამსახურის გაცდენა ბიულეტენად ჩაეთვალოთ. ამის შესახებ მან TV პირველის ეთერში ისაუბრა.

"სამინისტრო მუშაობს საკითხზე, მგონი ხვალ ან ზეგ იქნება შესაბამისი აქტი, რომლითაც ამ ადამიანებს ბიულეტენად ჩაეთვლებათ, ანუ ანაზღაურებად შვებულებად. ამ საკითხზე ჯანდაცვის სამინისტროს იურისტები მუშაობენ. რომ ამ ადამიანებს, რა თქმა უნდა, ცოტა ფსიქოლოგიური სტერესისა, ასევე, ფინანსური ზარალი არ მიადგეთ", — თქვა ამირან გამყრელიძემ.

გამყრელიძის განმარტებით, ვინც კარანტინში საავადმყოფოში წევს მისი კონტროლი უფრო მარტივია. ხოლო იმ ადამიანების შემთხვევაში, ვინც თვითიზოლაციაშია, საზოგადოებრივი ჯანდაცვის ცენტრები აწარმოებენ მონიტორინგს.

საქართველოში ამჟამად კორონავირუსის 3 შემთხვევაა დაფიქსირებული. კორონავირუსით ინფიცირების პირველი შემთხვევა საქართველოში 26 თებერვალს დაფიქსირდა, მეორე დაავადებათა კონტროლის ცენტრმა 28 თებერვალს დაადასტურა, მესამე კი — 29 თებერვალს.

ამავე თემაზე:

გაიგეთ მეტი კორონავირუსის პრევენციის შესახებ: