თბილისის მერის, კახა კალაძის თქმით, სამგორის რაიონში, წმინდა ბარბარეს უბანში ადამიანების ჯგუფმა, რომელთა ვინაობასაც "ყველა მიხვდება", მერიის უუნარობაზე ინფორმაციის გასავრცელებლად "ჩაკერებული გზაზე" მონიშვნები დახაზეს. სოციალური ქსელით გავრცელებულ ფოტოსა და მერიის მიმართ კრიტიკას თბილისის მერი ქალაქის მთავრობის სხდომაზე გამოეხმაურა.

როგორც კალაძემ განმარტა, ფოტოზე ასახულ ადგილზე სამუშაოები GWP-მ ჩაატარა და გზის საფარიც მანვე დააგო.

"მათ [ადამიანების ჯგუფს] ჰქონდათ ინფორმაცია, რომ ჩვენ პროექტი დაკვეთილი გვქონდა და ველოდებით კომპანიასთან ხელშეკრულების გაფორმებას, რომ სამუშაოები დაწყებულიყო... სად არიან ხო ხვდებით? ვითომ, ამაზე მეტი პრობლემები არ გვქონდეს თბილისში", — თქვა კალაძემ და ამ უბანში გზის სრული რეაბილიტაცია დააანონსა.