საზოგადოებრივი დამცველი, ირინა ფუტკარაძე 12 საათისთვის კენჭისყრის მიმდინარეობის პროცესს აფასებს. მისი განცხადებით, კენჭისყრის პროცესი მშვიდ ვითარებაში მიმდინარეობს, თუმცა ამ დროისთვის იმ უბნებზე, სადაც საზოგადოებრივი დამცველი ახორციელებს სადამკვირვებლო მისიას, ამომრჩეველთა აქტივობა საკმაოდ დაბალია:

"უბნები დროულად იყვნენ მზად პირველი ამომრჩევლების მისაღებად. დაფიქსირდა შემდეგი სახის დარღვევები: მცხეთის 37-ე მაჟორიტარული ოლქში დამკვირვებლებს არ უშვებდნენ უბანზე იმ მოტივით, რომ ატარებდნენ წილისყრის პროცედურებს, თუმცა საოლქო კომისიის ჩარევის შედეგად დამკვირვებელი შევიდა უბანზე. მეცხრე უბანზე გამოკრული არ ჰქონდათ კომისიის წევრთა სია".