ჯანდაცვის მინისტრის მოადგილის, თამარ გაბუნიას თქმით, კორონავირუსთან დაკავშირებით მგზავრებს საქართველოს აეროპორტებში შემოწმდებიან. მგზავრების შემოწმება ჯანმრთელობის მსოფლიო ორგანიზაციების რეკომენდაციების მიხედვით მოხდება.

"შემოწმება მოიცავს სიმპტომების თვითშეფასებას ანუ პირველ რიგში, მგზავრს უნდა ჰქონდეს საინფორმაციო ბუკლეტი, სადაც მითითებულია საყურადღებო სიმპტომები, მოხდება თერმული სკრინინგი. 38 გრადუსი და მეტი ვისაც ექნება ტემპერატურა, თუ ესეთი მგზავრი გამოჩნდება, რა თქმა უნდა, მას ექნება საშუალება გაიაროს საწყისი ტრიაჟი ადგილზე აეროპორტშივე ვიდრე მოხდება მისი გამოშვება ან გადამისამართება სამედიცინო დაწესებულებაში", — თქვა თამარ გაბუნიამ.

სამინისტროს ინფორმაციით, ამ ეტაპზე საქართველოში კორონავირუსის არცერთი შემთხვევა არ დაფიქსირებულია.

ჩინეთში კორონავირუსით გარდაცვლილთა რიცხვი 41-მდე გაიზარდა, ვირუსის დადასტურებული შემთხვევა კი 1 200 ადამიანს დაუდგინდა. კორონავირუსი გავრცელდა ევროპაში, ამერიკასა და ავსტრალიაშიც.

ახალი ვირუსი, ცნობილი როგორც 2019-nCoV, პირველად ქალაქ უხანში, დეკემბრის ბოლოს დაფიქსირდა. დაავადების გავრცელების რისკის გამო, მსოფლიოს ზოგიერთი ქვეყნის აეროპორტებში უხანიდან მიმავალი ტურისტებს სკრინინგს უკეთებენ, ზოგიერთი ქალაქიდან კი ფრენები დროებით გაუქმდა.

გაიგეთ მეტი: