საქართველოს ყოფილი პრეზიდენტი, მიხეილ სააკაშვილი ფეისბუკის საკუთარ გვერდზე არჩევნების მეორე ტურის წინ, ვიდეომიმართვას ავრცელებს. მისი განცხადებით, მათ საკმარისი ხმები მოაგროვეს და ბრძოლას გრძელდება არამხოლოდ მეორე ტურამდე, არამედ არჩევნების შემდეგაც.

სააკაშვილი აღნიშნავს, რომ ნაციონალური მოძრაობა გამოიყენებს ყველა მშვიდობიან ფორმას პროტესტისათვის გამოსახატად:

"ჩვენი ბრძოლა გაგრძელდება, ეს არის ჩვენი ქვეყანა სადაც არ უნდა ვიყოთ. ზოგი ციხეშია, ზოგი ქვეყნიდან არის გაგდებული, ზოგი ადგილზე აგრძელებს ბრძოლას მიუხედავად უზარმაზარი ზეწოლისა. ჩვენ უნდა გამოვიყენოთ ყველა საბრძოლო ველი ჩვენი იდეების გასატარებლად. ჩვენ უნდა გამოვიყენოთ პარლამენტი, ჩვენ უნდა გამოვიყენოთ სახელმწიფო დაწესებულება ჩვენ უნდა გამოვიყენოთ ის, რაც დარჩა თავისუფალ მედიაში, ჩვენ უნდა გამოვიყენოთ ყველა მშვიდობიანი ფორმა, პოლიტიკური პროტესტისა და აზრების გამოხატვის. ჩვენ არ შევეგუებით ერთი ტლუ რუსი დანაშაულებრივი ოლიგარქის მიერ, საქართველოს საკუთრებად მიტაცებას. საქართველო ბევრად უკეთესს ხვედრს იმსახურებს, ამიტომ ვუთხრა ყველას ვინც იბრძვის, მინდა ვუთხრა ჩვენს მომხრეებს რომ ხელები არ ჩამოგვიშვია. ბრძოლა არ მთავრდება არც მეორე ტურით, და ბრძოლა არ მთავრდება არც გაყალბებული არჩევნებით. ბრძოლა გაგრძელდება და ბევრად უფრო სწრაფად მოვიშორებთ ამ უბედურებას ვიდრე ბევრს ჰგონია. გაყალბებული ბიულეტენებისა და მანიპულაციების გათვალისწინებით, 600 000-ზე მეტმა დაგვიჭირა მხარი. მე მინდა თითოეულს ვუთხრა მადლობა".