NDI-ს კვლევის მიხედვით, ყოფილ პრეზიდენტს, მიხეილ სააკაშვილს გამოკითხულთა უფრო მეტი ნაწილი აფასებს დადებითად ვიდრე ქართული ოცნების თავმჯდომარე, ბიძინა ივანიშვილს. კვლევაში სააკაშვილს დადებითად გამოკითხულთა 26% აფასებს, ხოლო ივანიშვილს — 17%.

ამავე კვლევის მიხედვით, ბიძინა ივანიშვილს უფრო მაღალი უარყოფითი შეფასება აქვს, ვიდრე სააკაშვილს. სააკაშვილს უარყოფითად 39% აფასებს, ივანიშვილს — 49%.

ფოტო: ND

NDI-მ 27 ქართველ პოლიტიკოსის მიმართ მოქალაქეთა დამოკიდებულება გაზომა. რის მიხედვითაც, ყველაზე მაღალი დადებითი შეფასების მაჩვენებლები აქვთ დავით ბაქრაძეს, კახა კალაძესა და შალვა ნათელაშვილს.

ამავე კვლევის მიხედვით, ყველაზე მაღალი უარყოფითი შეფასება ბიძინა ივანიშვილთან ერთად, პრეზიდენტ სალომე ზურაბიშვილს აქვს.

ფოტო: NDI

ეროვნულ დემოკრატიულმა ინსტიტუტმა (NDI) კვლევა 2019 წლის 19 ნოემბრიდან 13 დეკემბრის ჩათვლით ჩაატარა. საქართველოს მასშტაბით (ოკუპირებული ტერიტორიების გამოკლებით), 2 180 (გამოპასუხება 35) პირისპირ ინტერვიუს წარმომადგენლობითი შერჩევის საფუძველზე გამოიკითხა. საშუალო ცდომილების ზღვარი 1,9 პროცენტია.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით. გამოკითხვას ატარებს CRRC — საქართველო.