ქართველი მსახიობი მერაბ ნინიძე და ჰოლივუდის ვარსკვლავი ბენედიქტ კამბერბეჩი დომინიკ კუკის ახალ დრამაში Ironbark ერთად თამაშობენ.

ფილმის სიუჟეტი ცივი ომის პერიოდში ვითარდება. ჯაშუში გრევილ უეინი (კამბერბეჩი) და მისი რუსი წყარო (ნინიძე) ცდილობენ, რომ კუბის კრიზისი ერთად დაძლიონ.

ფილმიდან გამოქვეყნებულ პირველ კადრებში ნინიძისა და კამბერბეჩის პერსონაჟებს ერთად ვხედავთ. ინფორმაცია პირველად გამოცემა თორმეტმა გაავრცელა.

ფოტო: IMDb

მერაბ ნინიძე ფილმში რეალური პიროვნების, ოლეგ პენკოვსკის როლს ასრულებს. ის საბჭოთა კავშირის შეიარაღებული ძალების გენერალური შტაბის მთავარი სადაზვერვო სამართველოს პოლკოვნიკი იყო, რომელიც 1963 წელს სამშობლოს ღალატში და ჯაშუშობაში დაადანაშაულეს ამერიკის შეერთებული შტატებისა და დიდი ბრიტანეთის სასარგებლოდ. მას დახვრეტა მიუსაჯეს.

Ironbark-ის პრემიერა სანდენსის კინოფესტივალზე 24 იანვარს შედგება.

ამავე თემაზე: