რუსეთის თავდაცვის სამინისტროს წარმომადგენელმა, იგორ კონაშენკომ განაცხადა, რომ ქვეყანა მზადაა სირიის ქალაქ ალეპოში ე.წ. ჰუმანიტარული პაუზა განაახლოს. თუმცა, მისი თქმით, რუსეთი ამას მხოლოდ იმ შემთხვევაში გააკეთებს, თუ საერთაშორისო ორგანიზაციები წარადგენენ გარანტიებს, რომ ტერიტორიიდან მშვიდობიან მოქალაქეებს გაიყვანენ. ინფორმაციას Ekhokavkaza ავრცელებს.

20 ოქტომბერს რუსეთმა ალეპოში ე.წ. ჰუმანიტარული პაუზა შემოიღო, რომლის განმავლობაში მოსკოვმა და სირიის ხელისუფლებამ საჰაერო ავიაიერიშების განხორციელების შეჩერებაზე ვალდებულება აიღეს. მოგვიანებით კი, დროებითი ზავი რამდენჯერმე გაახანგრძლივეს.

ამ დროის განმავლობაში გაერომ, უსაფრთხოების გარანტიების არქონის გამო, ტერიტორიის მშვიდობიანი მოქალაქეებისგან დაცვა ვერ შეძლო. Reuters-ის ცნობით, ზოგიერთი, ვისაც ალეპოს დატოვების მცდელობა ჰქონდა, სროლაში მოჰყვა და წასვლა ვეღარ შეძლო.

23 ოქტომბერს უფლებადამცავებმა დაბომბვების განახლების შესახებ ინფორმაცია გაავრცელეს. 25 ოქტომბერს კი რუსეთმა განაცხადა, რომ რუსეთისა და სირიის სამთავრობო ავიაცია დროებით ზავს იცავს და ალეპოში დაბომბვებს არ ახორციელებს.

ალეპო რამდენიმე ნაწილადაა გაყოფილი. ერთ-ერთს სირიის პრეზიდენტი, ბაშარ ალ ასადისა და ოპოზიციის სამხედრო დაჯგუფება აკონტროლებს. სამთავრობო არმია, რუსეთის სამხედროების დახმარებით, მეამბოხეების მიერ კონტროლირებად რაიონებზე თავდასხმებს ახორციელებს. დასავლეთის ქვეყნები რუსეთს მშვიდობიანი მოქალაქეების დაბომბვაში ადანაშაულებს.

უფრო მეტი სირიის კონფლიქტზე იხილეთ აქ:

რა ხდება სირიაში? - მოკლედ