პარლამენტის ვიცე-სპიკერი, გია ვოლსკი ირწმუნება, რომ "მმართველი პარტია არანაირი ტროლის და ბოტის უკან არ დგას". ვოლსკი ფეისბუქის ყალბ ანგარიშებსა და გვერდებზე დასმულმა კითხვამ გააღიზიანა და საპასუხოდ ფორმულას ჟურნალისტს უთხრა, რომ არიან "მთავარი ტროლი და ბოტი" თავად არიან.

"ადამიანებს აქვთ თავისი უფლება, რომ გამოხატონ თავიანთი დამოკიდებულება. ამ დამოკიდებულებაში მე არასდროს არ შემხვედრია ფეისბუქსივრცეში ისეთი რამ, რომელიც არ უკავშირდება რეალურ ცხოვრებას, რომელიც შექმნა ნაციონალურმა მოძრაობამ", — განაცხადა გია ვოლსკიმ.

20 დეკემბერს სოციალური მედიის გიგანტმა ფეისბუქმა 396 გვერდი და ჯგუფი და ათეულობით ყალბი ანგარიში წაშალა. ამის მიზეზად დეზინფორმაციული და პროპაგანდისტული ინფორმაციების გავრცელება დასახელდა, რომლის კვალმა ფეისბუქის მკვლევარები მმართველ პარტიამდე, ქართულ ოცნებამდე მიიყვანა.