უმრავლესობის ლიდერის, მამუკა მდინარაძის შეფასებით პარლამენტში სპეციფიური სუნის ნივთიერების დასხმა "ბანძი და "გოიმური" მოქმედებაა. მისივე თქმით, ვინც ეს ჩაიდინა, "კრიმინალზე ვერ წავიდოდა".

"შეიძლება აღშფოთება გამოითქვას, მაგრამ იმდენად მდაბიო და სასაცილო საქციელი ჩაიდინეს. ამას არც ბავშვობა ჰქვია, არც თამაში ჰქვია, არც პერფორმანსი ჰქვია. ამას ჰქვია ცუდად მოფიქრებული დესტრუქცია. მე შემიძლია გითხრათ, რომ ევროპული საქართველოს წარმომადგენელი ორი ქალი იყო შემოსული. ერთ-ერთი იყო გადახვეული შარფით ხელში. ამას ყველაფერს დაადგენენ", — განაცხადა მდინარაძემ.

პარლამენტში გაურკვეველი სუნის გამო პლენარული სხდომა შეწყდა. ადგილზე გამოიძახებულია საპატრულო პოლიცია და სასწრაფო დახმარება. მოგვიანებით მომხდარზე პასუხისმგებლობა მოძრაობა #სირცხვილიამ აიღო.