თბილისში, ახალი ავტობუსები Wi-Fi სისტემით აღიჭურვება. თბილისის მერიის ტრანსპორტის საქალაქო სამსახურის ინფორმაციით, ახალ ავტობუსებში უფასო ინტერნეტი, სავარაუდოდ, მომავალი ორი თვის განმავლობაში იქნება.

როგორც ტრანსპორტის საქალაქო სამსახურის პრესსამსახურმა On.ge-სთან საუბარში აღნიშნა, ზუსტი თარიღი უცნობია, რადგან არ იციან რა დროს წაიღებს მზადება:

"აქამდე ჩატარდა ტესტირება, 37 ნომერზე დამონტაჟდა Wi-Fi, ტესტირებამ კარგად ჩაიარა. მგზავრებს შეეძლოთ ინტენეტით წარმატებით სარგებლობა და ჩვენ გადავწყვიტეთ ახალი, 143 ავტობუსი აღვჭურვოთ ვაიფაი სისტემით. ჯერჯერობით ეს მხოლოდ ახალ ავტობუსებს ეხება, რადგან დაგეგმილია ავტოპარკის სრულად განახლება".

ტრანსპორტის საქალაქო სამსახურის ინფორმაციით, სამომავლოდ თბილისში მოძრავი ყველა ავტობუსი Wi-Fi სისტემით იქნება აღჭურვილი.