ქართული ოცნების ცენტრალურ ოფისთან პოლიციამ მოძრაობა შეცვალეს ოთხი აქტივისტი დააკავა. ოცნების ოფისში პარტიის თავმჯდომარე, ბიძინა ივანიშვილი ევროკავშირის ელჩებს ხვდებოდა. პარალელურად გარეთ აქცია იმართებოდა. შეხვედრა ამ დროისთვის დასრულებულია.

პოლიციამ აქციის მონაწილეებს გზა გადაუკეტა, რასაც დაპირისპირება მოჰყვა. შინაგან საქმეთა სამინისტროში On.ge-ს უთხრეს, რომ დაკავებულები ადმინისტრაციულ სამართალდარღვევათა კოდექსის 166-ე და 173-ე მუხლებით აიყვანეს.

დღეს, 21 ნოემბერს აქტივისტებმა ბიძინა ივანიშვილის ბიზნესცენტრთან გამართეს აქცია. იქ მათ ნაგვის ურნა და ბოქლომი მიიტანეს. აქციის მონაწილეები სტვენითა და შეძახილებით მივიდნენ სოლოლაკში და აცხადებენ, რომ "ბიძინა ივანიშვილი პოლიტიკურ სანაგვეზე უნდა გადააგდონ". მანამდე აქტივისტებმა თბილისის საქალაქო სასამართლოსთან გამართეს აქცია და იქ სცადეს შესასვლელზე ბოქლომი დაედოთ. ისინი სასამართლოში აპროტესტებენ მოისამართლე ვალერიან ფილიშვილის გადაწყვეტილებას, რომელმაც 18 ნოემბერს დაკავებულები ადმინისტრაციულ პატიმრობაში დატოვა.