თბილისში, ატენის ქუჩაზე რამდენიმე ადამიანი მოკლეს. შინაგან საქმეთა სამინისტროში მკვლელობის ფაქტს ადასტურებენ, თუმცა გარდაცვლილების ზუსტ რიცხვს ჯერ არ ასახელებენ. ჩვენი ინფორმაციით, სამი ადამიანია გარდაცვლილი. სამივე მათგანი ერთი ოჯახის წევრია.

გამოძიება სისხლის სამართლის კოდექსის 109-ე და 236-ე მუხლებით მიმდინარეობს, რაც დამამძიმებელ გარემოებაში განზრახ მკვლელობას და ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვას გულისხმობს.