საპარლამენტო უმრავლესობის ლიდერი, გია ვოლსკი ამბობს, რომ პარლამენტის პიკეტირების შემთხვევაში დეპუტატებმა მუშაობა უნდა გააგრძელონ.

"საფრთხე იმისა, რომ სახელმწიფო გააჩერონ, ქვეყანა გაჩერდეს, ლარის კურსი დაეცეს, ეკონომიკური კოლაფსი მოხდეს — ეს არ უნდა დაუშვას სახელმწიფომ. ამის მოთხოვნა მარტო ჩვენი არაა და ეს საზოგადოების მოთხოვნაცაა. ბიუჯეტია დასამტკიცებელი", — განაცხადა გია ვოლსკიმ ჟურნალისტებთან.

პარლამენტთან ოპოზიციისა და სამოქალაქო საზოგადოების საპროტესტო აქცია — ყველა მინუს ერთი დაიწყო. გარდა ამისა, 17 საათზე პატრიოტთა ალიანსის ორგანიზებით საპროტესტო აქცია დაიწყება რესპუბლიკის მოედანზე.

ნაციონალური მოძრაობის ლიდერმა, გრიგოლ ვაშაძემ განაცხადა, რომ პარლამენტის პიკეტირებას იწყებენ.