ქაშვეთის ეკლესიის მღვდელი, მამა ელიზბარ ოდიშვილი 31 წლის ამბავს იხსენებს და ამბობს, რომ მაშინ რამდენიმე ეპისკოპოსი "მამათმავლობის გამო" განიკვეთა ეკლესიიდან. ამის შესახებ მან დღეს, 7 ნოემბერს ჟურნალისტებთან ისაუბრა:

"ერთი არქიმანდრიტი იყო ორი ეპისკოპოსი. ქუთათელ-გაენათელი და ჭყონდიდელი. მათ მოუწოდეს მონასტრებში წასულიყვნენ. ეკლესიაში იყო ბრძოლა. ახლაც არის და ყოველთვის იქნება ეს. მაშინ იბრძოდა უშიშროება".

1988 წლის 23 დეკემბერს მომხდარი სავარაუდო სექსუალური ძალადობის შესახებ მამა გიორგიმ ფეისბუქზე 5 ნოემბერს დაწერა. მან დაასახელა კონკრეტული პირის სახელი და გვარიც, რომელზეც ამბობდა, რომ თბილისის სასულიერო სემინარიაში მაშინდელი რექტორი, ეპისკოპოსი ზოსიმე შიოშვილი "სოდომურად თავს დაესხა" სვეტიცხოვლის რეზიდენციაში. მეუფე ზოსიმემ ბრალდება უარყო და თქვა, რომ ის სექსუალურ ძალადობაში იმიტომ დაადანაშაულეს, რომ პატრიარქს ებრძვიან.

მასალაში გამოყენებული მამა ელიზბარ ოდიშვილის შეფასება გამოხატულია ჰომოფობიური სიტყვით, თუმცა მაღალი საჯარო ინტერესიდან გამომდინარე On.ge ამას უცვლელად გთავაზობთ.

ამავე თემაზე: