მოძრაობა ლელოს ლიდერი, მამუკა ხაზარაძე ამბობს, რომ საქართველოში მრავალშვილიანობა ყველაზე პრესტიჟული საქმე უნდა გახდეს. ამის შესახებ მან მოძრაობის ახალი წევრების წარდგენაზე, დემოგრაფიულ პრობლემებზე საუბრისას თქვა.

"სანამ ჩვენ დედობას არ დავუდგებით გვერდში და სანამ ჩვენ ამ პარადიგმას არ შევცვლით... ჩვენ არ უნდა ვიყოთ კლებადი ერი, ჩვენ უნდა ვიყოთ ზრდადი ერი. ჩვენ საქართველოში 3,7 მილიონი ვართ, დანარჩენი გასულია ქვეყნის გარეთ. ჩვენ უნდა დავაბრუნოთ ჩვენი დედები, ჩვენი დები უცხოეთიდან, შევუქმნათ მათ ღირსეული სამუშაო ადგილები და ღირსეული პირობები იმისთვის, რომ მათ ბევრი შვილი ჰყავდეთ. ეს არის უმნიშვნელოვანესი რამ", — თქვა ხაზარაძემ.

ხაზარაძემ დღეს, 25 ოქტომბერს მოძრაობის 12 წევრი წარადგინა. მისივე ინფორმაციით, პარტიას 12 დეკემბერს დააფუძნებს.