ელენე ხოშტარია ფეისბუკზე წერს, რომ მეორე ტურში ბრძოლას აგრძელებს და საკუთარ გეგმებთან დაკავშირებით შეხვედრას აანონსებს.

ხოშტარია დასძენს, რომ მიუხედავად ბრძოლის სირთულისა, ის საკუთარ თავს ვერ აპატიებს, თუ ყველაფერს არ გააკეთებს ქართული ოცნების საკონსტიტუციო უმრავლესობის წინააღმდეგ.

არჩევნების მეორე ტურში, ვაკეში, მეორე ოლქში, ნაციონალური მოძრაობის კანდიდატი ელენე ხოშტარია ქართული ოცნების წევრს ბიძინა გეგიძეს უპირისპირდება.

არჩევნების პირველ ტურში გეგიძემ 48,95% აიღო, ხოშტარიამ - 22.25%.

შეგახსენებთ, რომ ქართულს ოცნებას რეალური შანსი აქვს, პარლამენტში მოიპოვოს საკონსტიტუციო უმრავლესობა. ამისთვის მას 113 მანდატი სჭირდება, 67 კი უკვე გარანტირებულად აქვს.