საქართველოს ახლადარჩეული პრემიერის, გიორგი გახარიას თქმით, განსხვავება არაა სერგეი გავრილოვსა და სერგი კაპანაძეს შორის. ამის შესახებ მან პარლამენტის სხდომაზეც და სხდომის დასრულების შემდეგაც განაცხადა.

"სამწუხაროდ, ოპოზიციის ერთი ნაწილი გაიქცა, მეორე ნაწილმა, უბრალოდ, ჩაიგდო მიკროფონი და ჩვეულებრივად, პასუხის გაცემის საშუალებით მანიპულირებდა. სიმართლე გითხრათ, მე დიდ განსხვავებას ვერ ვხედავდი გავრილოვს ამ [პარლამენტის თავმჯდომარის] სავარძელში და სერგი კაპანაძე ჩვეულებრივი ქართველი გავრილოვი იყო ამ სავარძელში, როდესაც პასუხის გაცემის საშუალებას არ გვაძლევდა", — განმარტა მან.

სერგი კაპანაძემ გიორგი გახარიას ევროპული საქართველოს ფრაქციების სხდომაზე მოსმენის დროს მიკროფონი არაერთხელ გაუთიშა. სწორედ ამ მიზეზით შეადარა გახარიამ ის გავრილოვს.