ბათუმის მე-20 საარჩევნო უბანზე საუბნო საარჩევნო კომისიის კენჭისყრის შედეგების სადემონსტრაციო ოქმის სპეციალურ სიაში არ არის დაფიქსირებული ამომრჩეველთა რაოდენობა.

საიას დამკვირვებელსა და კომისიის თავმჯდომარეს შორის გაიმართა დისკუსია შეცდომის ჩადენის დროის მითითებასთან დაკავშირებით.

საიას თანამშრომელმა დარღვევის დროდ 14:00 საათი მიუთითა. კომისიის თავმჯდომარემ განმარტა, რომ შეცდომა დილის რვა საათზე, სადემონსტრაციო ოქმის გამოქვეყნების დროს არის დაშვებული.

საიას დამკვირვებელმა შეცვალა თარიღი, რის გამოც კომისიის თავმჯდომარესთან მოუვიდა დავა.

თავმჯდომარემ მას მოუწოდა დაეტოვებინა ძველი თარიღი, რადგან ცვლილების უფლება არ ჰქონდა. დავის შემდეგ თავმჯდომარემ დარეკა ცესკოში და საიას თანამშრომელთან ერთად შეადგინა დარღვევის ოქმი.