პაატა ბურჭულაძე - მოძრაობა სახელმწიფო ხალხისთვის წევრი, დავით ჯანდიერი აცხადებს, რომ არჩევნები საქართველოს საარჩევნო კოდექსის დარღვევით მიმდინარეობს.

მისი თქმით, რამდენიმე უბანზე მათი დამკვირვებელი შავ-თეთრი ბიჯის გამო არ შეუშვეს და ეს "წინასწარ შეთანხმებული გაუგებრობა" იყო:

"დამკვირვებლების არ ყოფნის დროს, ისინი იმას აკეთებდნენ, რაც სურდათ".

ჯანდიერი დარღვევებსა და იმ მიზეზებსაც ასახელებს, რატომაც არ დაუშვეს მათი დამკვირვებლები:

  • "დედოფლისწყაროს 25-ე ოლქის ყველა უბანი - შავ-თეთრი ბიჯი;
  • ხაშურის 43-ე ოლქის ყველა უბანი - 1 საათის განმავლობაში ჩვენი დამკვირვებლები არ დაუშვეს შავ-თეთრი ბიჯის გამო;
  • დუშეთის 38-ე ოლქი - ბეჭედი იყო გაფუჭებული;
  • ახმეტის 28-ე ოლქი - სოფლის გამგებელი დგას შესასვლელში და ეწევა ღია აგიტაციას ხელისუფლების სასარგებლოდ;
  • ლაგოდეხის 26-ე ოლქში არასამთავრობოებს არ უშვებდნენ, რადგან ისინი პაატა ბურჭულაძის პარტიის წარმომადგენლები ეგონათ".

ჯანდიერი დასძენს, რომ ცესკო მართლაც შავ-თეთრ სადამკვირვებლო მოწმობებს გასცემს.