"თარაში დღეს მეორედ მოკლეს", — ბათუმში მოკლული პოლიციელის, თარაშ მუკბანიანის დეიდა, ნინო ოდიშარია საქართველოს პრეზიდენტს, სალომე ზურაბიშვილის პოლიციელის მკვლელობაში მსჯავრდებულის შეწყალების გამო მიმართავს.

გამოცემა ლიბერალთან საუბარში ნინო ოდიშარია პრეზიდენტს მოუწოდებს, საჯაროდ დაასახელოს, ვისი ინიციატივით შეიწყალა რამაზ დევაძე.

"ვიდრე ეს მკვლელობა მოხდებოდა, ერთი წლით ადრე რამაზ დევაძე პოლიციელის ცემისთვის იყო დაკავებული. ჯერ ორთვიანი პატიმრობა ჰქონდა მისჯილი, რომელიც 2 ათას ლარიანი გირაოთი შეუცვალეს. სწორედ ამის მერე მოკლა თარაში — 21 წლის სტუდენტი, რომელმაც დედის გარდაცვალების შემდეგ დაიწყო პოლიციაში მუშაობა. ახლა უკვე 12 წლის გატარებაც არ უნდა ციხეში", — ამბობს მოკლულის დეიდა.

საქართველოს პრეზიდენტმა, სალომე ზურაბიშვილმა შეიწყალა კაცი, რომელმაც ბათუმში პოლიციელი თარაშ მუკბანიანი მოკლა.