19 აგვისტოს, ბათუმის ერთ-ერთი კლუბიდან სასწრაფო სამედიცინო დახმარების ბრიგადამ 4 ახალგაზრდა გადაიყვანა, მათგან ერთი უგონო მდგომარეობაში. როგორც On.ge-ს შინაგან საქმეთა სამინისტროში განუცხადეს ის გარდაიცვალა.

ამ ეტაპზე დადგენილი არ არის რა გახდა გარდაცვალების ზუსტი მიზეზი.პირველად ვერსიად გაურკვეველი ნივთიერებით ინტოქსიკაცია სახელდება.

საქმეზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. ამ მუხლით გათვალისწინებული დანაშაული ისჯება თავისუფლების აღკვეთით ვადით ორიდან ოთხ წლამდე, იარაღთან დაკავშირებული უფლებების შეზღუდვით ან უამისოდ.