საქართველოს მეოთხე პრეზიდენტი, გიორგი მარგველაშვილი აცხადებს, რომ იცნობს პოლიტიკოსებს, რომლებიც პირდაპირ ეთერში სიძულვილის ენას, უხამს გამონათქვამებს იყენებენ, თუმცა სინამდვილეში ძალიან საყვარლები არიან.

ამის შესახებ გიორგი მარგველაშვილმა პალიტრანიუსის გადაცემაში, 360 გრადუსი განაცხადა. მისთვის გაუგებარია, რა ემართებათ პოლიტიკოსებს მაშინ, როცა "ტელევიზორში რომ ჯდებიან", თუმცა აქვე ამატებს, რომ ეს "ნიუსია".

"ამ ბოლო დროს, ჩვენს ტელევიზიაში, ძირითადად, ძალიან ხშირად, ძალიან აგრესიული და უცენზურო ტექსტია ხოლმე. ჩვენი პოლიტიკოსები — სიძულვილის ენა და უხამსი გამონათქვამებია. სხვათა შორის ეგეთები კი არ არიან, მე მინდა მათ გასამართლებლად ვთქვა, სხვანაირები, ძალიან საყვარლები არიან. არ ვიცი, რა ემართებათ ტელევიზორში რომ ჯდებიან. ხალხს ეს არ მოსწონს, მაგრამ იზიდავს — აი, იცი, გუშინ იმან როგორ თქვა?!. მე ის მინდა ვთქვა, რომ ისინი ბევრად უფრო ზრდილობიანები, თავშეკავებულები არიან და ზოგჯერ მორცხვებიც არიან ხოლმე პირად ურთიერთობაში — აი, ის ხალხი ვინც ასე იგინება და ასე უხეშად ლაპარაკობს. ხალხს ეს არ მოსწონს, მაგრამ "ნიუსია", — განაცხადა მარგველაშვილმა პალიტრანიუსის გადაცემაში.