სამხრეთ კორეაში დააკავეს სამხედრო, რომელმაც დემილიტარიზებული ზონის გავლით ჩრდილოეთ კორეიდან გადაიპარა. დემილიტარიზებული ზონა კორეის ნახევარკუნძულს ორ ნაწილად ჰყოფს.

BBC-ს ინფორმაციით, სამხედრო პირი მდინარე იმჯინგანზე აღმოაჩინეს. მან სამხრეთ კორეაში დარჩენის სურვილი გამოთქვა.

ყოველწლიურად ათობით ადამიანი ცდილობს, რომ სამხრეთ კორეიდან სამხრეთ კორეაში გადავიდეს. 2017 წელს დემილიტარიზებული ზონის გადაკვეთისას ჩრდილოეთ კორეის სამხედროს 40-ჯერ ესროლეს.

1953 წელს კორეის ომის დასრულების შემდეგ კორეის ნახევარკუნძული 38-ე პარალელზე ორ ნაწილად გაიყო. ამის შედეგად შეიქმნა ორი სახელმწიფო ჩრდილოეთ და სამხრეთ კორეები, რომლებიც როგორც განვითარების, ისე იდეოლოგიის მხრივ ერთმანეთისგან რადიკალურად განსხვავბდება.

ჩრდილოეთ კორეა წლების განმავლობაში მკაცრად იზოლირებული იყო სხვა სამყაროსგან. მოსახლეობისთვის დღემდე რთულია ქვეყნის ტერიტორიის დატოვება. ქვეყანაში განვითარებულ მოვლენებზე მხოლოდ ადგილობრივი სახელსუფლებო მედიისა და სამხრეთ კორეის დაზვერვის დახმარებით ხდება ცნობილი. ამასთანავე, ხშირად საუბრობენ ფხენიანში ადამიანის უფლებების უგულებელყოფასა და დიქტატორულ რეჟიმზე.