რუსეთის საზღვაო-სმხედრო ძალების ღრმაწყლოვანი კვლევის აპარატზე ხანძრის შედეგად 14 მეზღვაური დაიღუპა. ინფორმაციას ამის შესახებ BBC-ს რუსული ბიურო ავრცელებს. დაღუპულების ვინაობა ჯერჯერობით ცნობილი არაა.

სამინისტროს განცხადებით, მიმდინარე წლის პირველ ივლისს ოკეანის შესწავლისას აპარატში ხანძარი გაჩნდა. როგორც უწყებაში ამბობენ, 14 მეზღვაური მოწამვლის შედეგად დაიღუპნენ. მათივე თქმით, ხანძრის კერა მეზღვაურთა ჯგუფმა თვითონ ჩააქრო.

ამჟამად ღრმაწყლოვანი აპარატი სევერომორსკის სამხედრო-საზღვაო ბაზაზეა. ცეცხლის გაჩენის მიზეზები ამ დროისთვის უცნობია.