შინაგან საქმეთა სამინისტროში განმარტავენ, რომ მედიაში დღეს გავრცელებულ 21 ივნისის კადრებში სამართალდამცველი მოქალაქეს ავტოფარეხის სახურავიდან არ აგდებს, არამედ ქვემოთ მდგომ პოლიციელებს გადასცემს. კადრები რუსთავი 2-მა გაავრცელა.

"კადრებში ნათლად ჩანს, რომ ავტოფარეხის სახურავზე მყოფი, მოქალაქე ნ.რ. არ ემორჩილება პოლიციის კანონიერ მოთხოვნას, რის შემდეგაც ხდება მისი ადმინისტრაციული წესით დაკავება, რა დროსაც რამდენიმე სამართალდამცველი მას ავტოფარეხის სახურავიდან ქვემოთ მდგომ პოლიციელებს გადასცემს", — განმარტავენ უწყებაში.

მათი თქმით, მოქალაქე მონაწილეობას იღებდა მელიქიშვილზე ვანდალიზმის აქტებში, მათ შორის, მანქანის მტვრევის ეპიზოდში. მათივე ინფორმაციით, დაკავებულმა სასამართლო დარბაზში ადმინისტრაციული გადაცდომა აღიარა და ბოდიში მოიხადა. სასამართლომ მას 1000 ლარიანი ჯარიმა დააკისრა.

კადრები რუსთავი 2-მა დღეს, პირველ ივლისს გაავრცელა.