საქართველოს პარლამენტის ახლადარჩეული თავმჯდომარე, არჩილ თალაკვაძე აცხადებს, რომ 2020 წლის არჩევნების ბარიერის გარეშე ჩატარდება, 2024 წელს კი ბარიერი შენარჩუნებული იქნება.

თალაკვაძის განცხადებით, ცხოვრება ბევრ რამეს აკორექტირებს, ცვლის და ასე დაკორექტირდა ბარიერის საკითხით.

"ჩვენ შევასრულეთ საზოგადოების მოთხოვნა და დაკვეთა, რომ ეს არჩევნები პროპორციული არჩევნებით ჩატარდეს. ეს აძლევს შესაძლებლობას, ყველა პოლიტიკურ პარტიას და საზოგადოებრივ გაერთიანებას მოაბილიზოს მხარდამჭერები და მიიღოს არჩევნებში მონაწილეობა, რომ თავისი წარმომადგენელი ჰყავდეს", — განაცხადა

მისივე თქმით, ერთადერთი ვისაც შეიძლება ნულოვანი ბარიერი არ მოსწონდე,ს არის ნაციონალური მოძრაობა.

"ამ შემთხვევაში ამ წამყვან ჯგუფს, რა თქმა უნდა, არ აწყობს ნულოვანი ბარიერი, იმიტომ რომ ისინი კარგავენ მონოპოლიასა და ექსკლუზივს ოპოზიციაზე, რითაც აიძულებდნენ სხვა პარტიებს მათთან კოალიციას", — თქვა თალაკვაძემ.

"პროპორციული არჩევნების შესახებ ჩვენ მივიღეთ ეს გადაწყვეტილება ჩვენი ხელისუფლების პირობებში, რაც არ გაუკეთებია არც ერთ წინა ხელისუფლებას, ვინაიდან ჩვენ საზოგადოებრივ დაკვეთას ვასრულებთ. რაც შეეხება ბარიერს ჩვენ დავთანხმდით უფრო მეტს, ნულოვან ბარიერს, რომ ყველა პარტიასა და გაერთიანებას ერთნაირი სასტარტო პირობები ჰქონდეთ", — თქვა თალაკვაძემ.

24 ივნისს ქართული ოცნების თავმჯდომარემ ბიძინა ივანიშვილმა 2020 წლის საპარლამენტო არჩევნების ჩატარება სრულად პროპორციული წესით, ნულოვანი (ბუნებრივი) ბარიერით დააანონსა. ახალი წესით, ბუნებრივი ბარიერის პირობებში, პარლამენტში პარტიებისთვის ერთი მანდატის მისაღებად, შესაძლოა, დაახლოებით 0,67%-იანი ბარიერის გადალახვა იყოს საჭირო.

ამავე თემაზე: