აქციაზე რეზინის ტყვიით დაშავებულ ერთ პირს თვალი შეუნარჩუნეს. ამის შესახებ დაშავებულის ახლობლები ექიმებზე დაყრდნობით წერენ. მათივე ცნობით, შემდეგი ეტაპი თვალში მხედველობის დაბრუნებაა.

"საბოლოო დასკვნა დემეტრეზე კლინიკიდან ვწერ. თვალი შეუნარჩუნდა და ბუდეშია ურთულესი ოპერაცია ჩატარდა. მალე ინტენსიურში გადაყავთ ინფექციის კერები ამოწმენდილია და მუდმივი დაკვირვების ქვეშ არის. მადლობა ამ პროფესიონალების ჯგუფს 3 ქირურგს, რომლებმაც სასწაული მოახდინეს და იწყება ფიქრი და ზრუნვა როგორ დაუბრუნონ თვალში მხედველობა", — წერს დაშავებულის ახლობელი ლაშა გურგენიძე.

პარლამენტთან მიმდინარე დემონსტრაციაზე სპეცრაზმის მიერ ნასროლი რეზინის ტყვიების გამო აქციის 2-მა მონაწილემ თვალი დაკარგა. ამ დროისთვის სამედიცინო დაწესებულებაში 102 პაციენტი რჩება. ერთის მდგომარეობა მძიმეა. აქციის დაშლის დროს 240 ადამიანი დაშავდა, მათგან 80 სამართალდამცავია. სამართალდამცავებმა მოქალაქეების წინააღმდეგ რეზინის ტყვიები, ცრემლსადენი გაზი და წყლის ჭავლი გამოიყენეს.