საქართველოს ყოფილი პრეზიდენტი, მიხეილ სააკაშვილი პოლიციას დაუმორჩილებლობისკენ მოუწოდებს.

"მოვუწოდებ ჩემს შექმნილ ქართულ პოლიციას, არ დაემორჩილოს ივანიშვილს და გადავიდეს ხალხის მხარეს!" — წერს სააკაშვილი Facebook-ზე. პირველი შემთხვევა არ არის, როცა სააკაშვილი აქციის დროს მსგავს მოწოდებას აკეთებს.

პარლამენტთან ამ დროისთვის ვითარება დაძაბულია. აქციის მონაწილეთა ნაწილი პარლამენტში შეჭრას ცდილობს. მობილიზებულია პოლიცია და სპეციალური დანიშნულების რაზმი.

შინაგან საქმეთა სამინისტრო პარლამენტთან მიმდინარე აქციაზე განცხადებას ავრცელებს და მოუწოდებს დემონსტრანტებს დაემორჩილონ პოლიციას. წინააღმდეგ შემთხვევაში, მათი თქმით, მიიღებენ შესაფერის ზომებს.