TV პირველში სტუმრობისას ზურაბ ჯაფარიძემ განაცხადა, რომ გირჩისთვის პოლიტიკაში ყოფნა თანამდებობებზე ადგილების მოპოვებას არასდროს უკავშირდებოდა:

"მთავარი, რაც სხვა პოლიტიკური ძალებისგან განგვასხვავებს, არის ის, რომ ჩვენ არ ვთამაშობთ საზოგადოებრივი განწყობების გამოყენებით და არც ვცდილობთ, რომ ამას მოვერგოთ. ჩვენ რაც გავაკეთეთ 2 წელიწადში არის ის, რომ საზოგადოებრივი აზრი შევცვალეთ ბევრი მიმართულებით, სწორი მიმართულებით, დაწყებული მთავრობის ხარჯების შემცირებით, დამთავრებული ნარკოპოლიტიკასთან მიმართებაში. ჩვენ ამაზე ბერვი ვიმუშავეთ და გავაგრძელებთ ამაზე მუშაობას".

გუშინ გირჩმა მოძრაობა სახელმწიფო ხალხისთვის დატოვა, პარტია არჩევნებში მონაწილეობას აღარ მიიღებს. ამას გარდა, პარტიის ლიდერმა ზურაბ ჯაფარიძემ განაცხადა, რომ ბურჭულაძე მას აშანტაჟებდა და მისგან ფულის გადახდას ითხოვდა, რომ გირჩის წევრები სიიდან არ ამოეღო. თავის მხრივ, პაატა ბურჭულაძემ განმარტა, რომ გირჩს ბიძინა ივანიშვილი აფინანსებდა.