თურქული მედიის ცნობით, სტამბულში ერთმანეთს საქართველოსა და რუსეთის მოქალაქეები დაუპირისპირდნენ. გარდაცვლილია ერთი ქართველი და ერთი რუსი კაცი, რუსეთის კიდევ ერთი მოქალაქე კი ცეცხლსასროლი იარაღით მიყენებული ჭრილობით საავადმყოფოშია გადაყვანილი.

კონფლიქტი გადამზიდავი კომპანიის ოფისში შელაპარაკების დაიწყო. დაპირისპირებულმა მხარეებმა ერთმანეთის წინააღმდეგ ცივი და ცეცხლსასროლი იარაღი გამოიყენეს.

თურქი სამართალდამცველები საქართველოს ორ მოქალაქეს ეძებენ. ინციდენტში მონაწილე სხვა პირები პოლიციამ უკვე დააკავა.

საქართველოს საგარეო საქმეთა სამინისტროში აცხადებენ, რომ თურქეთში საქართველოს კონსული თურქ სამართალდამცველებთან აქტიურ კომუნიკაციაშია.