რუსთავი 2-ის გენერალური დირექტორის ნიკა გვარამიას განცხადებით, ხელისუფლების მთავარი ამოცანაა ტელევიზიების და საზოგადოების ყურადღების გადატანა ოპოზიციური პარტიების "დემონიზაციაზე", ფარული ჩანაწერებისა და პირადი ცხოვრების ამსახველი კადრების მეშვეობით:

"შევახსენებ ხელისუფლებას, რომ იგი იმ მდინარეში შედის, რომელშიც შევიდა 2012 წელს ნაციონალური მოძრაობა და მან გაიარა სწორედ რომ უმოკლესი გზა დამარცხებამდე. დღეს იგივე გზას გადის ქართული ოცნება".

ნიკა გვარამია აცხადებს, რომ მისი ინფორმაციით ბიძინა ივანიშვილი იღებს გადაწყვეტილებას, თუ ვისი ფარული ჩანაწერი გამოქვეყნდეს:

"რუსთავი 2-ის დემონიზაცია არის ისეთივე მნიშვნელოვანი ბიძინა ივანიშვილისთვის როგორც მთელი დანარჩენი ოპოზიციური სპექტრის. ჩემი ინფორმაციით არსებობს უამრავი აუდიო მასალა პირადად ჩემზე და რუსთავი 2-ის თანამშრომლებზე. ეს აუდიო მასალა არის რამდენიმე დისკზე შეკრებილი სუს-ის ხელმძღვანელობის მეირ და ატანილია ბიძინა ივანიშვილთან. იგი გადის პირადად ამ მასალას და იგი წყვეტს რა გამოქვეყნდეს, როგორ დამონტაჟდეს და ა.შ."

გვარამიას განცხადებით, რუსთავი 2 არ დაემორჩილება ფარული ჩანაწერების გავრცელებით განხორციელებულ ზეწოლას:

"ჩვენთვის ეს მეორეხარისხოვანია იმიტომ, რომ უკვე გამოქვეყნდა ყველაფერი რაც შესაძლებელი იყო".