პოლიციამ დაბა აგარაში მომხდარი მკვლელობისა და მკვლელობის მცდელობის საქმეზე დაკავებულია 1966 წელს დაბადებული პირი. გამოძიების ვერსიით, ბრალდებულმა აღმაშენებლის ქუჩაზე ცივი იარაღით სასიკვდილო ჭრილობა მიაყენა კაცს, რომელიც ადგილზე გარდაიცვალა. ამის შემდეგ, მან იმავე ცივი იარაღის გამოყენებით ცოლს სახლში სხეულზე დაზიანებები მიაყენა.

დაჭრილი ქალი სასწრაფო სამედიცინო დახმარების ჯგუფმა საავადმყოფოში გადაიყვანა, სადაც შესაბამისი დახმარება გაეწია. გამოძიება განზრახ მკვლელობის, ასევე, ორი ან მეტი პირის და ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის მცდელობის ფაქტებზე, საქართველოს სსკ-ს 108-ე მუხლით, 11¹ 19-109-ე მუხლის მე-2 ნაწილის ვ ქვეპუნქტით და მე-3 ნაწილის ა ქვეპუნქტით მიმდინარეობს. დანაშაული 16-დან 20 წლამდე ვადით ან უვადოდ თავისუფლების აღკვეთას ითვალისწინებს.

დაბა აგარაში მკვლელობა გუშინ, 9 ივნისს გვიან ღამით მოხდა.